Jinsi ya kutengeneza Pancakes
Mahitaji:
Unga wa ngano 500g
Mayai 2
Sukari tablespoon 3
Chumvi teaspoon 1/2
Kitunguu 1/2 (kata vipande vidogo vidogo sana)
Hiliki 1/4 teaspoon (iliosagwa ikawa unga)
Siagi (kama Blueband au inayofanania na hiyo) 
Hatua ya kwanza unapasua mayai, kisha unayakoroga katika chombo chenye nafasi ya kutosha.
ASANTENI MLIONIKUMBUSHA:
ASANTENI MLIONIKUMBUSHA:
Unaweka kitunguu mara tu baada ya mayai
Unaweka chumvi na sukari unaendelea kukoroga
Huku ukiweka unga wa ngano kidogo, kidogo
Na unakuwa unaongeza na maji taratibu
Huku ukiangalia uzito wa uji
Usiwe mzito sana, wala mwepesi sana
Piga piga mpaka uhakikishe mabonge bonge yote yamekwisha
Weka hiliki koroga tena
Baada ya hapo utakuwa umepata mchanganyiko wa kutengenezea Pancakes.
Weka kikaango katika moto wa wastani
Majiko yanatofautiana settings
Kwahiyo basi, kutokana na jiko lako moto uwe wa kati
Jinsi ya kuzipika:
Unaweka siagi kwenye kiaango
Unamimina unga unaacha mpk ukauke
Kabla ya kugeuza upande wa pili unapaka tena siagi
Pancake haichomwi zaidi ya dakika 3
Kwa kipimo hicho unaweza kupata Pancake 20-25
Ukitaka pungufu unakata vipimo nilivyoelezea nusu yake
Ambapo unaweza kupata Pancakes 10-12
Unasukumia na mboga yoyote unayoipenda yenye sause ya kuchovyea. Na raha yake uzile kwa mkono msafi.
6 comments:
Nazipenda sana hizi,sasa sitasubiri tena kupikiwa asante kwa ujuzi Jide.
Asante sana dada je unaweza ukaweka na maziwa badala ya kuweka maji?
Naona kwenye maelezo yako umesahau kuweka vitunguu au vyewewe huweki tena?
Na hicho kitunguu unaweka wapi? Dada jide.
ni sawa unaweza weka maziwa badala ya maji na kitunguu ni vizuri ukakiaanga kidogo kwenye mafuta kidogo kutoa ukakasi
Mhh pishi zuri na hizo chapati zaonekana nzuri sana, Tuletee pishi lingine la Chapati Za kusukuma. BIG up mama Jay Deeee.
Post a Comment